21. júní 2012

Skörungur kominn í hryssur og Brúðkaup Villu og Jóns.

Skörungi frá Skáney var sleppt í hryssur i dag og voru mikilir fagnaðarfundir hjá honum og ástmeyjum hans þetta sumarið eins og sést á myndunum. Hann er 2 vetra foli undan Landsmótssigurvegara í a-flokki gæðinga síðasta sumar Óm frá Kvistum og Nútíð frá Skáney. Hann er mjög lofandi foli af góðum ættum. Hann verður í hryssum hér heima í sumar og getur bætt á sig verkefnum í sumar ef óskað er eftir því. 
Skörungur að skoða vinkonur sínar af miklum áhuga og Skörungsskap.
Stæll frá Skáney3.v graðfoli kom snöggvast í hús í gær og er hér á ferðinni mikill foli sem á eftir að láta taka eftir sér hann getur tekið að sér verkefni í sumar ef áhugi er á því. Hann er undan Dyn frá Hvammi og Nútíð frá Skáney. mjög myndarlegur foli með kraftlega útgeislun. 
Villa og Jón héldu heljar brúðkaup um helgina sem tókst með miklum sóma. fjölmenn og flott athöfn og stórgóð veisla á eftir, þar sem kokkurinn hafði úr heilli kú að matbúa fyrir veislugesti. skemmtiatriði og tilheyrandi með balli á eftir. Góð saga var sögð af Villu í veislunni, Villa er haldin skilaæði. Fyrst fékk hún hest í bæinn, honum var skilað heim, hún fór með 2 kettlinga í bæinn nokkru seinna fundust þeir í bakinnganginum eftir eina helgarheimsóknina búið að skila þeim. Jón og villa fengu sér hund, hann var skilinn eftir í annari sveit eftir smá tíma. Við vonum að það fari ekki eins fyrir Jóni hehe. Það stendur til að þeir verði hjá okkur i sumar feðganir Jón og Bjarni Valur í sumarfríinu við vonum að Villa taki þá með sér í bæinn aftur hehe. Það væri svosem ekki slæmt að hafa þá áfram alltaf gott að hafa góða vinnumenn:)  Innilega til hamingju með brúðkaupið og takk fyrir okkur.